【減低成本】
「舖王」鄧成波近年深居簡出，千億王國陸續交棒予孻仔鄧耀昇。架着眼鏡、斯文淡定的舖王之子似足老竇，鍾意做生意，仲越搞越多瓣。早年搞婚禮統籌，近年從波叔手上，接棒做埋酒樓生意。
酒樓變陣 增辦婚宴
然而地價狂升的年代，搞生意隨時唔夠交租，好彩有波叔，當年父親買落舖位，現時不用捱貴租，一再見證成功需「父」幹。
自幼跟隨父親睇舖的他，觀察到近期零售市道不景氣，坦言當下不買舖。「七年前高消費品搶舖，令租金搶高。但隨着近年內地打貪，內地客消費力急跌，令舖租下跌……有做零售朋友話，業主肯較舊租低最多四成傾續租」，他估計，一線舖租有四成跌幅，至於二線地區始終是以民生舖為主，料租金獲支持，最多跌一成。
雖然舖租下跌，但無礙他大展拳腳。近年從父親手上接手管理東海飲食集團生意，八十後的他先吃一記重擊。他指，佔中後，酒樓生意下滑，例如昔日金鐘中信大廈名人飯堂，現改名「東海薈」，「佔中至今，現時晚市生意仍未及佔領前一半，是唯一虧損分店」。窮則變，有着波叔的影子，今年起他將該分店增辦婚宴場地，年內即時最少收到十宗預訂。
越危越有機，他計劃今年內將新開4間酒樓分店，其中美孚廣場將做私房菜。不過這一切，全賴父親的支持，事關他開的這些分店舖位，全部由父親持有。
