嚟緊呢十零日，一班港區全國政協委員同人大代表，都要乖乖哋留喺京城開會，聽領導人「宣旨」。查實近年嘅兩會，呢班北上與會者最關心嘅，莫過於京城嘅霧霾天氣，八方聽聞唔少政協委員同人大都發現，呢幾日北京天氣好好，今次北上開會身心更愉快。
而喺全國政協會議前日開幕前夕，身兼全國政協常委嘅唐英年就偷得浮生，喺雪中嘅京城遊逛，會前更加selfie，仲喺微博貼相同大家開心share，趕上政圈自拍熱潮。
原來唐唐今年兩會其中一個提案，都係關於互聯網呢個課題㗎，佢話互聯網嘅威力，在於畀到大家、特別係年輕新一代，充份發揮經濟同創意嘅最大潛力。