【毀農地案】
【本報訊】上水河上鄉老婦因農地遭人破壞後改建成車路及泳池，向村長侯志強及地產代理索償案昨續審。侯志強昨出庭作供，指自己在村內無人不識，原告律師笑言他是「宇宙最強」。而侯否認是幕後黑手，指自己擁有大量土地，毋須霸地，更揚言「新界係咁㗎啦，各有前因莫羨人，人哋話如果收地我就發達，我話『係發達呀有乜辦法呀』」。
原告劉愛嬌（八十八歲）的代表律師，質疑侯志強有份指使他人傾倒泥頭霸地建路，侯承認以公司名義購入涉案農地附近的土地興建村屋，但已全部轉售，「人地業主起路關我乜事，如果我阻止人哋，我先至係村霸，呢啲先係新聞」。侯更指他以公司、祖堂及其名義持有多幅土地，「我喺新界有大把地，有幾十個冧把，使乜霸人啲地」、「新界係咁㗎啦，各有前因莫羨人」。
法官接着問侯有否查出是誰建路，侯指「我唔會理，成日針對人，鬼選你咩，下一屆我仲要做㗎嘛」。侯又指自己沒有出錢建路，「村民冇叫我畀錢喎，咁着數，唔知係咪我惡啲」，侯指是首被告地產代理萬振成填平其他農地時將泥頭倒向涉案農地，「有人報警，我即刻捉住大舊衰萬振成叫佢搞番掂佢」。
原告昨播放侯志強在涉案農地附近指揮推土車的影片，侯解釋因村內多塊耕地遭人非法傾倒泥頭，他按政府要求聯絡業主，並找人填平及綠化農地，他在場監督而已，「你睇我幾盡責，應承咗人會赴湯蹈火做好佢」，他亦慨嘆「好無辜，做好事，要大愛……最衰自己多事，但我清者自清」。
我留心就做咗法官」
侯志強作供期間多次語出驚人，他表示「成條村都識我，入嚟大叫侯志強，實搵到我」，原告律師笑言他是「宇宙最強」。
而侯多次未待發問完便搶答，法官要求他留心問題，侯回應「如果我留心聽書，我都做咗法官，後悔無留心聽書」，「我盡量令自己遲鈍啲啦」。
其後，侯數十次誤將代表原告的楊大狀叫作蘇大狀，法官每次也提醒他「係楊大狀呀」。而當他的陳姓代表律師提問時，他竟問「你貴姓呀」，法官也忍不住說「佢係你代表律師嚟喎」。而原告律師要求侯看相片，問他是否認出自己兒子，他指着相片說：「我唔知佢係咪喎，你叫佢應你囉。」
案件編號：HCA 1930/12
■記者蔡曉楓