英超今個周中加開快車，不過新特蘭翼鋒阿當莊臣（上圖左）涉嫌「衰十一」，正協助英國警方調查，周二黑貓作客侯城嘅護級大戰當然就冇佢份；英國報紙越爆越多料，《太陽報》就登咗阿當同懷疑女事主合照，少女更加係新特蘭球迷，兩人已經約會超過一個月，少女仲當正阿當已經係佢男朋友㖭，不過阿當嘅同居女友弗蘭德斯（上圖右）就好支持男友，堅持阿當係無辜。
新特蘭領隊普耶唔知係唔係因為愛將惹官非，搞到心情煩躁。周二比賽期間同侯城領隊布魯士推撞，要勞動職員同第四球證勸開。雖然冇阿當莊臣，黑貓都好彩有另一位前曼城球員魯迪維爾建功，1:1逼和由達美尼度耶先開紀錄嘅老虎仔；普耶賽後都好冇心機，話周一知道阿當莊臣被捕，係佢人生最艱難嘅一日。
識睇，一定係睇足英台【英波Live】：
http://soccer.appledaily.com
http://bit.ly/engballlive