吳彥祖（Daniel）同索爆老婆Lisa S.，前年5月30日生咗囡囡Raven，自從囡囡出世冇耐，發過一次全家福，兩公婆就好少擺囡囡相上網，就算有時擺囡囡近照，兩公婆都刻意遮少少，唔想大家睇晒囡囡成個樣，唔想囡囡嘅美貌曝光。
不過已經1歲幾嘅Raven終於有新相喇，昨日Lisa S.喺微博貼出佢同囡囡嘅合照，雖然只係見到側面，不過Raven就笑得好甜，而且越大越靚女，唔怪之得，吳彥祖早前話見少咗個女一陣都唔得。
Lisa S.亦留言：「Pure happiness with my Ray Ray.」隔咗一陣，Lisa S.又喺微博寫多一次中文翻譯嘅留言：「跟我的小Ray Ray在一起就是一種純潔的快樂。」