隔牆有耳:美國女廚神來港獻技 - 李八方

隔牆有耳:
美國女廚神來港獻技 - 李八方

喺美國開餐廳嘅名廚Naomi Pomeroy(圖)近日嚟咗香港同本地廚師交流,皆因佢係今年美國駐港總領事館飲食文化外交計劃嘅大使。Naomi去咗德雅中學同女生講吓成功之道,噚日仲喺酒店大顯身手整牛肉。Naomi係美國電視烹飪比賽《Top Chef Masters》第三季參賽者,呢個節目全部參賽者都係世界名廚,水平絕非業餘。Naomi喺二○○七年創業開餐廳時,得兩個廚師同兩個侍應,用嘅都係電磁爐,加上餐廳偏遠,但最後闖出名堂。佢同八方講,做自己鍾意做嘅事就可以捱過低谷,同埋一定要有心整好嘢畀人食,因為客人先至係最佳廣告代言人。