【壹週刊】上周五，金管局公佈新一輪收緊樓按政策，眾多招數中，以收緊七百萬元以下按揭承數，帶來的反應最激；尤其後生一輩，在社交群組中媽聲四起，認為連累的是一眾無辜的自住用家。
市 場普遍預期，自住用家可能由二手市場，「被逼」轉投一手樓。黃良昇指：「今次嘅樓市干預會令二手樓供應更加少，發展商會以二按嚟吸引準買家。會有唔少準業 主寧願俾貴少少都會揀番一手樓。」他又警告，近期租盤不足情況已相當普遍，金管局出招後，對租盤市場影響深遠。「新政策始終淘汰一班人出局。佢地買唔起樓 都會去租。喺呢幾年市場上租盤增加速度，追唔上需求，呢個問題今年會慢慢浮現出嚟，政府要小心應對。」
同時全球放水，加上過往政府所出扭曲樓市的招數，市場對物業的需求會持續爆發。「政府是用錯招，上年政府見中小型樓升勢顯著，就刻意打壓，其實今年豪宅先係升市火車頭！」他指各國貨幣貶值， 不少有條件買家都傾向買豪宅來保值。「自上年歐央行印銀紙之後，豪宅交投明顯增加，價格仲越升越有，升幅明顯追上中小型樓。」金管局出招，令樓市呈兩極分化，激活炒家趕絕用家，真正唔做好過做！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/