谷草跑道彎急路窄，檔位常操生殺大權，近八次谷草賽事，便例有一檔馬建功，共取13win成績唔錯，賽績印證內檔威力。今期(4日)九匹一檔馬中，第三場「奄尖大少」、第五場「常勝龍王」及第九場「定做領袖」各有千秋，均有機會藉一檔之利突圍。
第三場「奄尖大少」上仗九檔兜大圈勁蝕位，仍後追第四，移入一檔改配近兩戰騎何廐馬全入Q之梁家俊，乃重響勝鼓之黃金機會。
第五場「常勝龍王」連捷後今次跑高一班少負13磅抽一檔，形勢有利，事關此駒今季三次排三檔以內起步全勝，柏寶連同場首席戰友蘇偉賢馬房的谷草一哩好手「勝利雄心」也肯放棄，「常勝龍王」擺明車馬博三連冠。
第九場「定做領袖」季內逢出必近，上次初試一哩慢閘後追甚勁，今次再出改排最佳檔位，仍由韋達發揮，留衝一段有機會打開勝門。