民建聯急做水貨客的民調，將結果篤數，聲稱發現：個調查結果跟袋住先高度相似，六成市民認同。問卷內容問呢D：
如果你是元朗居民，寧願周街a水貨店，b左鄰右里都是一樓一鳳，c逼爆的街站全是胡椒噴霧當生菜食的勇武本土派。
估都估到，元朗鄉紳會幫民調畫龜背書，大呼民調公正，民意已經清晰表態：最緊要搵食，袋住先啦，周街水貨店，大把好處喎。包括：a帶旺全區，風生水起，元朗唔使求車公，年年都係上籤。b水貨店唔係雞欄和骨灰龕場，唔會眼冤。c水貨店逼爆大馬路，寫包單保證，就算再放87枚催淚彈，無人能夠攝位，佔領元朗。d水貨客神憎鬼厭，元朗樓價大跌，鄉紳可以學四叔，捐出舊樓爛地，跟政府枱底交換利益。e串膠花都可以成為李嘉誠，做水貨客，最啱年青人上流。f反水貨活動再搞，元朗就可以向西環發功，青年軍的豪華新軍營，百分百落戶元朗！元朗勢力，一夜間升格，黑變紅！