【弒親碎屍案】
【本報訊】青年周凱亮涉嫌與友人在大角嘴殺害肢解六旬父母案，案件昨在高院進行第七日審訊。友人被捕後否認殺人，只稱曾協助周處理屍骸。他又謂周不下十次向他憶述曾帶心儀已久的女性朋友回家，更準備紅酒慶祝生日，詎料母親說話奚落，企圖趕走女方，約會不歡而散，「佢話佢媽媽令佢失去最寶貴嘅回憶」，每次說起均語帶怨恨。
警方去年三月十五日凌晨接獲一名男子楊佳鑫報案，指首被告周凱亮曾於WhatsApp群組內自稱在警署內發放訊息，直認殺死父母。警方拘捕周後往案發大角嘴單位，在單位外拘捕次被告謝臻麒。謝在警誡下謂：「我冇殺人，唔關我事嘅，阿亮淨係畀個膠箱我睇，入邊有手同好似人體殘肢一部份，我淨係幫阿亮處理過。」控方昨播放謝部份錄取口供片段。謝指二○○七年加入周任職的公司，當周的下屬。其後二人保持聯絡，但只屬普通朋友。
同黨：憶述超過十次
謝見過周的父母，覺得周母好人，但周認為父母不疼愛他，「佢話廿四歲生日嗰陣，約咗個鍾意好耐、𠵱家都仲鍾意緊嘅女仔上佢屋企，買埋紅酒慶祝生日。點知佢阿媽講一大堆令佢冇面嘅說話想趕個女仔走，最後不歡而散。」謝指周曾對他憶述逾十次，「佢有少少想喊，少少憤怒，少少失控」，更抱怨「其他父母都好想自己仔女早啲結婚」。謝則安慰周指其母或不想他在未有經濟基礎下做錯事。聆訊今續。
案件編號：HCCC376/13
■記者楊家樂