今年係《基本法》頒佈廿五周年，教法律嘅經民聯梁美芬自掏腰包，大拿拿拎六位數字重印咗十萬本《一國兩制有關文憲》，講吓《基本法》、鄧小平點睇一國兩制呢啲溫故嘢之外，仲會更新埋回歸後《基本法》嘅變遷呢啲知新嘢，總之內容全面，比特區政府嗰本更加詳盡啦。
八方記憶所及，梁美芬每次出書錯字多如天上繁星，不過今次只係重印加增訂，應該唔會再出事喇！事關今次話題嚴肅，真係一字一句不能錯！梁美芬話呢十萬本書會派畀學生或者有興趣嘅市民，仲話新書下月正式發表時，考慮緊請內地班護法學者例如饒戈平、王振民同埋人大常委會副秘書長李飛做嘉賓㖭。