蔡卓妍（阿Sa）憑電影《雛妓》入圍今屆香港金像獎爭影后，前晚電影在九龍灣舉行首映，好友容祖兒、鍾欣潼（阿嬌）、黃秋生、張敬軒等撐場。男主角任達華和監製杜汶澤在台上開阿Sa玩笑，華哥笑言細細個聽阿Sa唱歌，杜汶澤搭嘴說：「佢唱歌時我未出世。」
互相投票搞爛gag
華哥讚阿Sa演出有一百分，睇好她封后：「阿Sa做得好好，佢以前嘅戲嘻嘻哈哈，今次就演難度高電影，我肯定投佢一票，畀咗一票佢啦。」華哥還以阿Sa在戲中金句「我都有畀你X㗎」搞爛gag：「我都有畀佢咩，佢都有畀我咩（投票）呀。」阿澤亦力撐阿Sa：「我作為監製覺得佢最好，其他提名戲未睇，唔可以盲撐，唔客觀，聽講好多人話趙薇做得好。」
對於被睇好攞影后，阿Sa說：「睇咗好多影評鍾意部戲，雖然想攞獎，但唔會諗，怕失望，對手好犀利，自己真係諗得太多，諗起到時五個大頭個畫面（宣佈得獎時），如果一聽到唔係自己，嗰一場戲先至係最難演，惟有事前做好心理準備。」
阿澤寸政府縱亞視
此外，阿Sa昨日到淺水灣出席鼓勵老人家跳舞活動，問會否跟男友陳偉霆的媽咪分享？她說：「唔使啦，伯母未係老友記，佢仲叻過我。」
另外，港台《鏗鏘集》講亞視一集訪問了阿澤，他在節目還亞視清白冇霸住牌照，並抵死地說：「佢冇霸，係你（政府）畀佢㗎嘛。如果你覺得一個奇怪嘅社會奇怪，你就真係奇怪嘞。」
採訪：溫敏芝
攝影：陳慧安