亞視高層葉家寶前晚在金鐘出席銀都機構春茗，對於早前新春團拜，向記者及員工派發一百元利是，被人質疑亞視在未能準時出糧的情況下，仍大灑公金錢做法不當，商台高層陳志雲更轟是「荒天下之大謬」。葉家寶接受訪問時承認亞視花費的確好大，但六百封利是總共花了六萬元，他說：「都係一個好小嘅數字，每個員工都有，冇亂花錢，對員工嚟講係攞意頭，同出糧扯唔上關係，唔可以混為一談。」
雨僑大玩三角戀
三月剛到又是糧期，葉家寶透露有可能出到糧，他說：「自己都希望勞工處到期七日之內發放二月薪金，未必冇可能。」對於志雲批評，他表示私底下兩人是好朋友，可能對方不了解整件事。
同場出現的雨僑透露下月會到上海拍微電影，跟Dominic及黃美棋合作，故事是講述三角關係，她說：「N年前有試過，都係失戀嘅故事，人大咗拍拖會安心啲。」雨僑承認現時男友令自己放心。另外，她昨日去到商台為新歌《糖衣》宣傳說：「以前遇到失戀時，我都會仍然扮到好靚，麻醉自己，扮到好叻，唔想畀人覺得自己好唔專業嘅感覺。」採訪：張俊銘
攝影：仇志德