唔少人新年期間外遊，公民黨副主席陳淑莊亦唔例外，佢羊年之始喺尼泊爾過咗過白色新年。點解係白色？事關佢上咗Annapurna地區最有名嘅山𥧌「魚尾𥧌」一帶，仲喺嗰度大晒「我要真普選」黃符，將雨傘運動精神喺世界廣傳。
Tanya話今次去尼泊爾，原本冇諗住登山，所以帶嘅登山「架生」都不足，好在有導遊從旁指導。佢憶述登山時未落雪，行至中段卻白雪紛飛，所以決定唔再登上頂𥧌，返落山穩陣啲，諗番當時情況佢大呼「好驚險」，因為當時右手邊有條路好斜，「一唔覺得跣腳跌落山就大吉利是要同大家講bye bye」，所以登山前都唔敢話畀阿媽聽㖭呀。