上周六德甲上演歷來第一百四十六次「魯爾區打吡」，主場嘅多蒙特靠最近「弗」到漏油嘅奧巴美揚同馬高列奧斯各入一球，連今季冇乜入波運嘅米希達利恩都開齋，結果以3:0大勝史浩克04。唔經唔覺，佢哋喺聯賽已經連贏四場啦。
今場波主隊大部份時間起勢咁攻都唔入，但到咗尾段終於入波，仲要一入就喺八分鐘內入夠三粒，夠晒霸氣。第四次代表蜜蜂兵團參與魯爾區打吡嘅前鋒奧巴美揚，喺七十八分鐘為球隊先開紀錄，第三次喺打吡大戰入波。High爆嘅佢就同列奧斯玩cosplay慶祝，自己笠上蝙蝠俠面罩加迷你斗篷，同佢合作無間嘅列奧斯就戴上羅賓眼罩。我求大俠希望呢對superheroes繼續勁落去，喺月中歐聯十六強次回合對祖雲達斯，可以帶領球隊收復首回合1:2失地晉級啦。
識睇，一定係睇足英台【英波Live】：
http://soccer.appledaily.com
http://bit.ly/engballlive