香港人食飯，除咗講食物質素，亦注重餐廳環境、氣氛，究竟有幾多人願意花幾百蚊企喺度食餐日本菜呢？
中環蘭桂坊上月中新開一間喺東京有「大眾米芝蓮」之稱嘅「俺の割烹」，除普通座位，亦有「立食區」，顧名思義就係企喺度食。引入呢間餐廳嘅小南國（3666）創辦人王慧敏似乎冇有怕，認為「生意好的時候，客戶其實不在乎（站着），年輕人站在酒吧都是站着」。
根據資料，俺の割烹嘅午市平均消費約二百蚊，晚市五百。王慧敏好坦白咁講，立食區同普通座位嘅價錢冇分別，現階段試緊香港客人反應，佢好有信心立食區會受歡迎。
其實大家樂（341）旗下嘅新品牌食肆都有類似嘗試，但人均消費平過俺の割烹一大截，一百蚊樓下有交易。即管留意俺の割烹呢個立食區有冇得做喇！