【本報訊 】在巴域街配水庫大顯「捽碟」身手的藝人兼唱片騎師黃泆潼（DJ Miss Yellow），在場打碟半小時剛熱身，即遇上警方掃蕩感掃興。她認為該處雖是水務署地方，但不失為一個搞派對的好地方，佩服主辦單位眼光，相信事前做了很多工夫。
指主辦者有創意
黃泆潼指，與法籍搞手認識，日前她獲邀打碟，指在太子一處地方舉行派對，她想不到鬧市內還有這類地方可以舉行，覺得頗新鮮和好奇，於是一口答應。
昨凌晨約一時，黃到場打碟，大為讚嘆，現場樹木如蔭及環境幽靜，是個好地方，在場人士都玩得很開心。「感覺好好，有草地畀參加者坐低傾偈；有人投射影像喺樹度，睇落好有創意；仲有時裝表演，好多元化」。
她稱，大部份參加者是來港交流生，生活較慳儉，需要這些便宜派對，「因為去club比較貴，佢哋比較鍾意參與𠵱類派對」。無奈派對開到一半，就被迫終止，她亦感掃興，「當時氣氛好好，但我打咗半粒鐘，警員就到場，仲係熱緊身」。
■記者劉雲彪