財政司司長曾俊華為今次財政預算案使出唔少公關伎倆，又開facebook又同記者selfie，但明眼人都知，管理fb嘅當然唔係財爺本人，否則點會一路公佈預算案，一路有新status。鬍鬚曾噚日喺網誌承認，fb乃靠幾位年輕同事代理，但補飛話自己不時閱讀留言。
飾演《星空奇遇記》主角之一「冼樸」嘅美國藝人Leonard Nimoy與世長辭，喺美國讀書嘅鬍鬚曾話，當年第一輯《星空奇遇記》，一般家庭觀眾反應一般，但喺學校卻係學生嘅「神劇」，仲話此片比起其他太空片集多咗一份人文精神，就係「勇闖前人未至之境」，唔知香港嘅樓價，幾時又會到達呢個境界呢？