有傳特首梁振英同太太唐青儀，唔贊成阿女齊昕接拍劉俊輝導演嘅新戲《男極探射燈》，所以有意幫齊昕毀約賠款作罷。噚日梁太唐青儀出席「全城有機日2015」活動，有記者追問佢係咪會買番嗰份電影合約？梁太只係笑而不語。齊昕到底會唔會初登大銀幕，至此仍然是個謎。
梁太封嘴不談齊昕之時，則喺活動上露兩手，拍住森美同大廚徐欣榮用大會預先準備好嘅廚餘如菇椗、麵包皮等製作菜式「包有豐年」。
梁太話平時好鍾意煮嘢食同食嘢，但因為太忙而好少落廚，自評今次炮製嘅菜式有八十分以上，佢話自己一家人都好鍾意食菇，「今（昨）晚返去會即刻試煮」。