陳木勝監製、關信輝執導、楊千嬅、古天樂聯同五位天真爛漫的女童星合演的《五個小孩的校長》，將於本月十九日上映。電影改編自真人真事，講述一個全香港最低薪幼稚園校長的感人故事。《五》片昨日在奧海城舉行試映場，不論男女觀眾在電影結束後，都雙眼通紅，認為影片題材勵志、健康。
「好大啟發性」
連日來影片已做過多場試映，身在新加坡避年的千嬅昨日表示：「我雖然同屋企人去咗度假，但我都好關心呢部戲嘅反應，好難得拍咗部咁正能量電影，而且大家反應都好正面。呢部戲教識我點樣去同小朋友相處，畀到我點教自己個仔會有好大啟發性。」
掛住班細路
早前千嬅帶住五位小朋友一起為《Go Out》雜誌拍攝封面照，五位小朋友見到千嬅感到十分興奮，她表示：「拍完戲都有一段時間冇見到佢哋，開工時日日見好長時間，感情係好好，所以部戲拍完都會掛住佢哋，呢排因為做宣傳又會成日見到佢哋，真係好開心。」
採訪：鍾國仁