周潤發夫婦、張家輝及劉偉強等昨晚在金鐘出席電影《賭城風雲II》慶功宴，該片在中港及東南亞等地票房收近十億，每位投資者各出二十萬元作為慶功宴的抽獎獎金。發哥與家輝一起接受訪問，二人即發揮搞笑本色，家輝自爆前晚和老婆關詠荷入戲院睇《賭II》，不過老婆全晚只望着發哥。發哥聞言即笑說：「咁你以後帶太太出嚟交畀我，偉仔（梁朝偉）已經將嘉玲交咗畀我喇。」語畢，發哥問家輝：「你知唔知關二哥最興咩？」家輝笑謂：「勾義嫂？」全場爆笑。
家輝又謂：「初時都驚自己搭沉船，真係托發哥鴻福！好想之後同發哥拍部硬嘢，類似Mark哥嗰種。」但發哥笑說：「我冇揸槍好耐喇。」
採訪：藍文浩、盧妹
攝影：仇志德
