捲入康寶萊疑似詐騙事件的藝人陳佩思被騙去全部身家，姜皓文（黑仔）仗義相助，前晚黑仔出席電影《解碼遊戲》首映時說：「呢個女仔佢又要照顧屋企，呢排又冇乜嘢工作做，所以唔係話乜嘢太大幫忙，通知吓經理人有乜嘢啱佢做呀，照顧吓咁囉，登台就好少，有我就會第一時間搵佢吖，佢好做得嘢㗎，MC呀婚禮嗰啲，大家如果有呢啲工作都可以試吓用陳佩思。」
黑仔表示不知道陳佩思損失幾多，他說：「唔少數目囉，佢控制得好好，好似冇嘢咁，叫埋班朋友一齊報警，睇吓搵唔搵到（康寶萊）個人囉。」黑仔被問到有冇投資，他說：「冇冇冇，我唔識㗎，正常投資我都唔識。」
另外，利嘉兒表示今年復出，派利是有五位數字，她說：「我結婚四年幾，通常派畀親戚朋友多，唱咗幾次錢都唔夠，唔知要預算幾多。」
採訪、攝影：譚倩宜
