何俊仁噚晚原本打算喺黨慶晚宴上大展歌喉，演唱一曲《天蠶變》，但何自覺歌喉欠佳，建議由黨內被喻為「歌王」嘅胡志偉演唱，何就表演耍劍，引起台下笑聲四起。其後何更邀請田北俊一齊作雙劍合璧嘅合照（圖），田笑話咁就「天下無敵」，不過當何打算贈劍予田少時，田即婉拒話不想被指藏有攻擊性武器。