5歲愛爾馬「赤龍駒」上季在高廐贏田草1600米開齋，1800米亦得季軍，但今季在高廐三戰全不入三甲後，去年底12月3日改投告東尼馬房。在不同練馬師打理下，此駒的狀態不但日見復蘇，而且還有性能轉變嘅跡象。這匹中距離馬本月中試谷草1200米短途閘，已有極佳表現後上第二，只與實力強勁的「永同天下」以短距離分勝負。
試完唔夠兩個禮拜，「赤龍駒」呢日(27日)又參加沙田第一組1200米泥地大閘，仲變得速度十足，沿途守第二位，直路透出保持勁勢，擊敗「智高星」勝出，泥地短途惡馬「嫡愛」亦只跑第三。
雖然「赤龍駒」加盟告東尼唔算太耐，但從這課閘走勢可見，馬兒目前已相當勇，而且試閘試得咁密，估計短期內會報名出賽，要留意嘅係告東尼似乎已將「赤龍駒」轉型，家陣有晒速度，唔一定只合中距離，如果報爭1400甚至1200米，都不能睇低。