張智霖（Chilam 中）今年有份參演的賀歲片《衝上雲霄》大收旺場，昨日他在微博貼了與太太袁詠儀（靚靚）出發到外地的相片，不過日前被發現與靚靚十指緊扣在中環拍拖shopping，但當過馬路時發現記者後，Chilam竟鬆開手主動叫老婆靚靚向記者大派「紅衫魚」雙封利是，其後兩人即與男助手進入時裝店買衫，再轉到隔籬眼鏡舖，兩公婆各自試了多款新眼鏡。