第一招：丹田
飆高音同呼吸有關，要學嘅，丹田係一定要用。
第二招：假聲
唔只用真聲，亦可用吓假聲，但要知道個聲擺位擺喺邊。
第三招：操肌
要多啲練習頸肌、腹肌嘅肌肉，同埋個support點去hold啖氣。
內地歌唱比賽流行飆高音，與蔣志光唱《相逢何必曾相識》唱到街知巷聞的歌唱老師韋綺姍，認為這個唱歌方法對比賽得分是有幫助，她日前在銅鑼灣受訪時說：「畀我揀都想飆高音，我諗觀眾會鍾意睇到個歌手好有氣勢，咁有powerful嘅聲都用到出嚟，我覺得會攞分多啲。」不過韋綺姍表示並非每首歌都適合飆高音，如果用錯分分鐘會失分，柔情歌就不要飆高音了，她說：「如果我做一個歌手或者一個評判，我會希望參賽者唱適合自己嘅歌。」
採訪：溫敏芝