麒麟還拖，沙田友，勁過得把口的元朗鄉紳N倍！
元朗樓貴，年青人住唔起，鄉紳醒你：勤力些搵錢！搵唔夠，拜狼英為師，唔使做之個案一：淨袋五千萬。唔使做之個案二，揼個闊佬茂里心口幾下，就拿下四億，幫個仔搭通天地線。養兒長憂九十九，狼氏不用憂，只要連任下去，乖仔乖女都有闊佬照起，唔憂米貴。那些排長龍入紙申請居屋的廿四孝父母，連間屋對正墳景、大門撞到正廁所也不計較，但求仔女抽到居屋，上住車先。細屋搬更細的屋，狼英誓要插針起樓，城中細單位熱賣，入住那個跟車位差不多呎數的新樓，記得千祈咪扮麒麟，只消輕輕一扭，企喺你側邊的阿媽，隨時被撞飛落街！色則是空，這種供住先的搶樓人間悲劇，觀音勸又勸過，化又化過，無奈人總是衰貪心的，月入唔夠14K的宅男，日日幻想是西環那個張×明，一開金口就有壽頭認捐幾千萬。西環拜開哪個神？姓張的，風水都冇睇就豪氣包場，買起四叔成幢新樓！
冇樓冇地的羊與麒麟，不忘初衷，流浪到了深水埗，在狼英曾經做過摺凳騷的桂林街，忘情高呼「我要真還拖！」