醒獅達人三姜同港島區某大地標商場，合作搞咗個醒獅展覽，當中展出咗一對獅頭，可以話係三姜最愛︰「呢個係香港人嘅紮作，叫做羅安記，喺香港好出名，每個舞獅嘅武館或者獅團，都一定識呢位師傅。o依家再見返呢隻獅，就好似見到一啲名貴房車嘅第一代咁，好正，好感動！」
有幾十年歷史嘅獅頭，仲要係名牌獅頭，聽落真係好名貴。不過原來咁名貴嘅獅頭，香港人並無保存起嚟，反而係日本人替我哋好好收藏︰「日本神戶華僑總會舞獅隊，係日本人同我哋保存o架，而且仲好完整，真係好難得！」香港人成日提到嘅保育，其實係咪應該包括埋呢類文化遺產？
星期五六日《亂噏24》！名獅出香港！