【本報訊】身兼元朗區議會主席的民建聯立法會議員梁志祥（圖），遭元朗屏山原居民鄧達智揶揄「每日營生盡在區議會、鄉事委員會空調間」，不知元朗已被水貨客摧殘苦況，梁昨稱尊重鄧的意見，強調區議會有討論問題，並指鄧以嫖客形容水貨客「過份咗」。
梁志祥早前就水貨客問題，揚言「要保持元朗是好客之區，不是趕客之區」，遭鄧達智揶揄不知元朗民生已被水貨客逼至「冇路行」。梁昨接受本報查詢時指，尊重鄧的意見，又指並非無根據，「的確水貨客同自由行多咗後，元朗商店嘅生意種類有改變，情況其他地區都有」。
保持元朗好客之區
不過梁強調，元朗區議會非常關注水貨客問題，曾討論如何打擊及改善區內交通，「區議會並非冇做嘢，可能鄧生貴人事忙，冇留意」。梁認為「保持元朗是好客之區」並無不妥，但他說鄧達智以嫖客形容水貨客「過份咗」，「我經常有睇佢嘅文章，我覺得今次呢篇文章唔似佢以往嘅風格」。
他認為現時香港面對的水貨客問題，重點在於旅客量是否已超出香港的承載力，「我哋可以收緊政策，但唔可以抹煞晒自由行對香港經濟嘅貢獻」。表示與鄧相熟的他指，會請教鄧如何解決水貨客問題。另一位被鄧達智點名批評的元朗十八鄉鄉事委員會主席梁福元，回應稱：「各人有各人見解，唔緊要」。
■記者謝明明