莊思敏昨日傍晚六時現身銅鑼灣買曲奇餅，對於舊愛吳浩康背女友鍾舒漫啜女斷正，莊思敏發現記者即說：「我冇乜嘢答呀！」她續謂：「我哋真係好耐冇見，唔知佢啲生活習慣係點，𠵱家應該畀時間Sherman冷靜吓先！」問她認為Deep是否花心男？莊思敏即時落閘：「呢個唔回應喇！」
另外，上月Deep與兩女夜蒲中環，其中一人貌似舊愛唐紫睿，正版唐紫睿昨接受電話訪問否認是她，對於Deep偷啜大胸女，她說：「相都影到晒，仲有乜好講，但係鍾小姐都未講嘢，我有乜資格講，兩年冇見，分手後冇聯絡。」問Deep跟她拍拖時有否偷食？唐紫睿說：「一齊只係幾個月，好彩當時冇，佢成日俾人影到，應該定性啲，佢有條件花弗，叻仔嚟嘅，佢話係goodbye kiss，希望真係角度問題。」
採訪：盧妹、皓騫
攝影：仇志德
