事隔十個月，「王子」費蘭度托利斯終於重返歐聯賽場，喺周三馬德里體育會作客利華古遜嘅十六強首回合後備入替。費托喺六十四分鐘入場，當時馬體會輸緊0:1，利華靠查漢奴古喺五十七分鐘嘅入波領先。
費托入場後九分鐘就做到嘢，接應角球頂入，但佢入完波後發現利華球員齊齊舉手，原來個波喺佢頂之前已經出咗底線，費托食咗個詐糊，最後馬體會作客輸0:1。另外，馬體會屋漏兼逢連夜雨，中場堤亞高文迪斯兩黃一紅被逐，中堅高甸亦儲夠黃牌，兩個次回合要停賽。馬體會教練施蒙尼話，上半場有施古爾拉同沙奧尼古斯受傷退下火線，下半場仲有成近二十分鐘踢少個，所以輸0:1已經唔錯，希望次回合可以返主場反敗為勝。
識睇，一定係睇足英台【英波Live】：
http://soccer.appledaily.com
http://bit.ly/engballlive