現年四十歲的名模周汶錡（Kathy）大前年下嫁法籍男友Julien後，一直積極造人，昨天Kathy宣佈懷孕五個月，她透過公關公司向傳媒發放身穿比堅尼照，相中Kathy腹部微隆，但手腳仍然纖幼，貪靚的準靚媽依然索爆。Kathy與Julien共同留言道：「Our family is expanding and so is our love，We're expecting our first little baby summer of 2015 ! 」（愛，讓我們溫馨的家增添一位小天使，衷心期待2015的夏季。）
盼生女扮靚靚
現正身在法國度假的Kathy，昨表示之前因怕傳統（小器），所以未敢公開喜訊，知道有了BB後超級興奮，她說：「其實人人都叫我生，因為mix出嚟會好靚，我就講笑咁話，唔靚係咪你哋幫我養？」一直都想生BB的Kathy直言最緊要BB健康。問她現時是否要份外小心？她說：「咁又冇乜喎，都係身邊朋友提點我，因為我好鍾意好高嘅高踭鞋，佢哋成日都緊張我，叫我唔好着，因為自己貪靚，都堅持要。」
Kathy未肯透露BB性別，問她想生仔還是女？她說：「我同老公都想生女，因為可以扮靚，佢（指老公）係外國人，都冇呢個傳統，女就會sweet啲，仔會頑皮啲，自己冇乜所謂。」那不如生龍鳳胎？她笑說：「一次過都好，但𠵱家照咗應該一個。」
此外，Kathy妹妹周麗淇（Niki）昨日於旺角出席鎮金店新店開幕，被問到何時需要挑選龍鳳鐲，她說：「今年好多人問我呢個問題，唔好畀壓力我，我媽都有問我幾時，佢話我家姐結婚時已經買定金器，我可能會私下做咗（結婚），之後先話畀大家聽。」
Niki透露，若然結婚必定會以低調為主，只邀請家人，又有可能婚後才補擺喜酒，但強調現在未婚，男友亦未曾求婚，而對於姐姐Kathy懷孕一事，Niki表示：「恭喜晒！好開心多咗個新成員。」
採訪：張俊銘、栐仁