二○○八年雷曼兄弟爆煲，不少藝人亦中招損手，當中包括林建明、張學友、鄭裕玲損失以千萬計。原來，最近捲入懷疑詐騙事件的美國健康產品直銷公司康寶萊香港分店，藝人陳佩思（Pancy）亦是苦主，痛失全副身家數十萬的她，前日接受本報訪問時哭成淚人：「我真係好等錢使！」
現年三十六歲的陳佩思是前兒童節目《放學ICU》主持，在兒童組長達十年，是首批被「叮」走的主持之一，今次被騙去全部積蓄，令她患上抑鬱，情緒大起大落，感到十分徬徨：「我一月二十八日知道呢件事，當時呆咗，腦海一片空白，後來決定去報警，但警方唔受理，直到有議員幫手，開咗記者會先至知原來有好多苦主，涉及嘅錢仲有七千幾萬咁多。」
感激姜皓文介紹工作
Pancy又謂：「其實最嬲係康寶萊𠵱家置身事外，因為喺呢間公司資料，睇到呢兩個人嘅總裁身份，做到呢個位要有幾千萬業績，所以冇懷疑，但𠵱家出咗事，康寶萊即刻將佢哋嘅資料刪咗，又話佢哋唔係總裁，只係會員，後來我先知原來佢哋只要攞咗呢個名銜，之後冇業績都唔會除名，咁康寶萊係咪助長佢哋呢？」
問Pancy現在有何打算？她再激動流淚說：「我真係好等錢使！好需要工作。」她又公開多謝姜皓文的幫助，指對方知道她的情況，立即叫經理人幫她安排一些工作，希望可幫她解燃眉之急。Pancy連日來哭得眼皮都腫了，她說：「識我嘅朋友都知我一向好謹慎，但有時生活逼人，就係行錯呢一步。」
白健恩經理人認中招
另外，有傳藝人白健恩及其經理人Tiffany都是苦主，昨日記者致電聯絡Tiffany，她否認白健恩有中招，但認自己是苦主：「我個仔（白健恩）冇份，但我都連累咗個朋友，兩個人合共四十四萬，我希望康寶萊肯負責任，一班苦主商量過，如果佢哋肯負責，我哋願意將部份錢捐畀慈善機構。」
採訪：小米