蔡約翰馬房明星馬「詠彩繽紛」本月15日1800米香港經典盃落第後，只相隔半個月，將於3月1日(周日)再出，角逐二班田草1800米，點解跑得咁密呢？咪為咗一張打吡入場券囉。「詠彩繽紛」在港頭四仗三冠一季，火速成名上位，可惜上仗經典盃一役不放而留落第，蔡約翰賽後承認戰略錯誤，話明放頭先係佢最佳跑法。
雖然蔡約翰認為「詠彩繽紛」上仗之敗，罪不在鞍上人羅理雅，但3月1日之戰，羅理雅將喪失帥權，並會強配雷神，皆因這是爭打吡入場券最後機會，不容有失。事關本周一馬會最新公佈的打吡報名馬評分排名中，86分的「詠彩繽紛」只排第18，未必取得正選資格，有可能做後備。如今用雷神策騎，以其騎功及走位之佳，「詠彩繽紛」的戰鬥力當然大大增強。
除了「詠彩繽紛」之外，雷神周日還會為蔡約翰其他實力馬如「輕彈錢笑」、「活力寶」等執韁。