日本小天后Kyary Pamyu Pamyu（KPP）形象可愛又百變，佢下個月會推出第十張單曲《問題少女》，今次新歌內容都幾係佢心聲，事關成首歌嘅概念都係呼應KPP上年鬧出嘅緋聞，單係唱片封套已寸盡狗仔隊。
其實KPP嘅戀情早已通晒天，佢同人氣樂團SEKAI NO OWARI主音深瀨慧上年經歷唔少風浪，KPP透過今次新歌MV宣洩對傳媒嘅不滿，有趷籮被拍裙底春光，又扮在記者會上激動食咪，而且仲拎住對講機唱歌，擺明係扮男友喺大熱歌曲《Dragon Night》嘅形象，夠晒肉麻！
雖然KPP同深瀨慧表現恩愛，但前日網上就公佈一項投票選出嘅最危危乎情侶，佢哋不幸排第七位，小栗旬同山田優就排第五位，而冠軍就係赤西仁同黑木美沙。
撰文：大空漿
