譚詠麟（校長）前晚第十二場紅館騷請郭富城做嘉賓，兩人狂歌熱舞合唱《愛情陷阱》掀起全場高潮，校長更high到剝衫除外套，跟舞王城城鬥扭腰扭籮，一曲唱罷兩人互相擁抱，城城笑說：「我細細個就聽校長唱歌啦。」校長抵死答：「我童星時啊？」
讚腳法了得
城城表示初入行做舞蹈員，當年校長憑《愛情陷阱》奪金曲，他有份在身後伴舞，校長聞言說：「所以話英雄莫問出處，跳舞都係一種才能，仲可以出人頭地去到𠵱家嘅天王㖭，大家畀啲掌聲。」校長跟城城是晨曦B隊的左右中鋒，讚城城的左右腳都了得，城城笑說：「𠵱家左腳廢咗啦，之前傷咗韌帶，右腳仲可以踢。」校長即鬼馬地指着城城雙腿間問：「咁中間呢？」城城醒目說：「肺？定心口呀？」全場爆笑。
撰文：皓騫