蘇偉賢馬房今季共有15匹新勝馬再出，其中13匹繼續上名，總成績為2冠8亞3季，上名率高達86%。今戰(25日)又有「勁優秀」及「鴻圖戰士」贏完再出，雖然分別換上何澤堯及蔡明紹，但今季賢廐曾有「星際武士」紀仁安贏完，再出換華將湯智傑入Q，所以依然不可睇小。
睇番「勁優秀」賽績，近三仗冠亞季各一，跑第二嗰場可以壓倒季軍「飛霹靂」，而「飛霹靂」再出得一冠一亞，賽績真係同馬名一樣勁優秀呀！
至於「鴻圖戰士」上仗贏「回鄉更好」亦唔差，後駒隨後一仗即刻贏馬補中，所以「鴻圖戰士」只加6分今場升上三班只孭117磅，你敢話佢冇機會咩！