雨傘運動期間，一班創作人利用投影機將嚟自世界各地嘅打氣訊息，投射喺金鐘政總外牆。呢項藝術裝置「佔領打氣機」擊敗全球過百分作品，獲瑞士人權藝術組織Freedom Flowers Foundation年度首獎。
佔領打氣機背後嘅工作人員，喺雨傘運動期間喺網上收集四萬幾條打氣訊息，揀選咗萬幾條，每晚喺金鐘佔領區投影。創作人黃宇軒話訊息嚟自全球百幾個城市，最令佢印象深刻嘅係內地人翻牆留下嘅打氣訊息。打氣機網頁曾遭黑客多次攻擊，被迫關閉，黃計劃用二千百元瑞士法郎獎金（約二萬港元）重開網頁，「畀人打message，一有大protest，就即刻推（打氣機 ）出去」。佢話由奧斯卡頒獎禮到人權藝術獎，國際上大大小小嘅榮譽都提醒港人，雨傘運動引以為傲。