今時今日要上位，真係乜都要博到盡。民建聯副主席周浩鼎Holden，係離島區委任區議員，新一屆區議會若要留任，就要轉戰直選，唔做多啲居民求助個案，又點會得街坊支持？所以佢最近一知道有街坊話，差啲因為東涌港鐵站外接駁某商場嘅扶手電梯太快而仆親，就甘冒PK之險，同助手實地案件重演，親自數過後發現，呢條電梯每三十秒移動五十六級，比起隔籬商場嘅電梯每三十秒移動三十六級，確實快好多，難怪年紀大嘅街坊都大叫怕怕。
Holden稍後會將粉墨登場嘅短片放上網（圖），提醒街坊小心，兼且會去信港鐵或者商場等相關單位，呼籲正視。