鄺美雲（Cally）、Ana R.昨日在尖沙嘴出席珠寶記者會，剛甩拖的Cally現時寄情工作，連愛犬Cash都是其舖頭生招牌和店長，她說：「Cash都有玫瑰金鑽石頸鏈，客人見到都想買，Cash又識喺舖頭招呼客人，有次個客買咗七件首飾。」
Cally坦言試過有客人想買其配戴的珠寶，她亦會割愛，因為要以客為尊。問到新年願望？她說：「最緊要健康，健康先有魄力，感情隨緣，實在太忙，唔得閒諗。」問她新年有否向舊男友林達民拜年？她即說：「咁又冇喎，咁忙。放下啦，我都放下你哋呢啲問題。」Ana R.表示新年願望是生BB，現時練習和努力中，老公鍾意生女夠嗲。
採訪：溫敏芝
攝影：葉君海