立法會議員會計界梁繼昌、資訊科技界莫乃光兩位功能組別嘅「孖寶」，噚日同傳媒新春團拜。梁繼昌席間向八方透露，原來梁振英去年涉嫌有關逃稅嘅醜聞，其實係「未解決」。原來熟悉國際稅務嘅梁繼昌一直窮追不捨，三個星期前仲去信英國稅局指控梁振英，收取澳洲公司UGL五千萬報酬卻沒有交稅，前日佢收到「新年大禮」，英國稅局回覆話，會向梁繼昌就此事提供詳細回覆，似乎好戲真係在後頭。
梁繼昌同莫乃光一直被視為會轉軚支持政改，但佢兩個噚日相當強硬，話如果中央唔改變八三一決定，即使同中央會面，都唔會改變佢哋反對政改立場。梁繼昌講明唔撤八三一，政改99.99%都唔會有結果，莫乃光就話咁樣見冇意思。