前新聞之花趙海珠（Alison）由主播轉到「輪后」，再由恒地高層轉做少奶奶，Alison前年誕下兒子陳彥熹（Hayden）後便放棄高薪厚職，全心全意相夫教子，這位闊太靚媽趁着新年，帶囝囝Hayden到迪士尼親子樂，玩旋轉木馬、又跟兒子一同製盆菜，Alison說：「新年好開心，小朋友可以𢭃利是。𠵱家身邊好多朋友都生咗，新一年我哋都會同啲小朋友聚會，Hayden已經兩歲，平時我哋會一齊整麵包，新年佢都會幫我貼揮春，一齊準備全盒，已經好開心。」
隨夫回鄉過年
嫁予富商Vincent後，Alison每年都會隨夫回鄉團拜，過傳統又熱鬧的新年，Alison說：「我先生屋企好傳統，到年初二，我哋一定會去長安，同老爺同所有親友會聚埋一齊團拜，又會放炮仗，好熱鬧。」新的一年，Alison當然希望一家身體健康，自己的願望是希望追多個，她笑說：「生小朋友係今年嘅計劃之內，男、女都得，最緊要係健康，有多個仔就開心啲，如果係女就湊成好字，冇所謂。」
採訪：羅慧敏
攝影：沈健程
場地提供：香港迪士尼樂園