初五咁嘅樣。係點樣？大家放完新年假今日第一日返工，照吓鏡咪知囉！不過咁，據玄學家麥玲玲講，今年年初五係開市吉日，而且，原來初五傳統上叫財神日，供祭五路財神，祈求來年大豐收。
寓意全年「乜都有」
同費清講呢啲傳統嘢嘅，其實係在溫哥華長大、平日說話「鬼聲鬼氣」嘅余儷哲。八十後嘅余儷哲同唐詩淇，因食結緣，成為好友，仲成立咗「飲食設計社」，最新搞作結合十五個農曆年故事的「茶曆」（圖），教香港人由年初一至年十五，一日一茶，學識傳統農曆新年真情趣。佢話初五財神日飲八寶茶最啱，寓意全年「乜都有」。
至於聽日大年初六，佢話傳統每家每戶都會將新年咁多日積存嘅垃圾扔出去，叫送窮鬼。
佢話呢日最啱飲日式焙茶，因為呢啲由高級綠茶嚴選後多出嘅茶莖，以前係窮人恩物嚟㗎。
咁正月十五又飲咩好？佢話十五係春節最後一天，俗稱小過年，一家人食湯圓慶團圓，飲杯黑米黑芝麻茶最應景。
如果有興趣知多啲，可以去佢哋網址睇吓： http://www.candiedfish.com/
費清： ＃要生計，也要生活 ＃毋忘初衷