一田百貨和日本熊本縣吉祥物的Kumamon（熊本熊），近年有唔少合作，舊年仲喺觀塘開埋cafe，獲唔少粉絲支持。過去兩日，一田就邀請咗熊本熊去cafe搞粉絲見面會，幫客人寫揮春（佢只會寫「大吉」二字！）
唔好以為熊本熊好似一般卡通人物咁，可隨意搵臨記扮演。原來只有獲政府認可、接受過熊本熊肢體訓練嘅人員，先可以出演熊本熊。如果有人想使用熊本熊搞活動，不單要事先得到政府審批，仲要預約熊本熊「本人」嘅檔期先得。
聽講熊本熊為保持神秘，每次來香港一出機場就會戴口罩；工作時只要一離開酒店，就必定已「投入角色」，就算搭車都唔會除低件衫。一田嘅朋友話，就連佢哋都未見過熊本熊「真身」。日本人嘅專業精神，認真唔講得笑。