【本報訊】新民黨主席葉劉淑儀前日出席車公廟活動遭麒麟撞飛，引起全城關注。《蘋果》記者昨深入出動麒麟師傅的沙田灰窰下村。村民指過去十年的大年初二車公誕，均由該村的麒麟隊酬神，強調撞飛事件純屬意外。村民又指慶典或儀式進行期間，按鄉村風俗一般都不會站在麒麟左右兩旁，即意味葉劉企錯位才致意外發生。
記者：譚靜雯 張婷婷
本報記者昨走訪麒麟隊所屬的沙田灰窰下邨，欲尋找涉事麒麟，了解當日意外真相。記者一步入村，村民即時提高警覺，但當知道是記者，有村民笑言：「係咪搵英雄（麒麟師傅）？佢着咗草啦喎！」另一名村民就澄清，前日負責舞麒麟的師傅昨因要「搵食」外出，記者未能一睹廬山真面目，「要搵佢要等下年年初二」。
村民謝先生接受訪問時稱，該村麒麟隊多年來負責年初二車公廟的求籤儀式，「我哋做代表都十幾年啦！」麒麟隊成員約二十多人，主要由村內年輕力壯的男丁負責。
指葉劉企錯位
謝先生相信初二事件純屬意外，「一般節慶儀式，供品放最前，之後由麒麟舞入廟，之後善信就跟住，一般都唔會企喺麒麟隔籬」，意味葉劉企錯位。據悉沙田鄉議會主席莫錦貴將接觸其邀來的麒麟隊，了解今次撞飛葉劉事件。
金龍醒獅團負責人姜偉忠稱，醒獅眼睛可活動，顯得富生氣，但麒麟眼睛不可動，故須舞動時會較醒獅更大動作：「由左擺到右，右擺到左。睇片嗰一刻應該係左擺向右時撞到葉劉。」
麒麟啤疑抽水
麒麟「襲擊」葉太成為網絡熱話，當中「Kirin Beer HK 麒麟啤酒（香港）」的facebook專頁更疑似抽水，寫上「年初二咁高興，開年飯梗係要同親朋戚友飲番罐麒麟，感謝佢今日為我哋帶嚟最開心、精彩同一番爽快嘅時刻！」記者昨於部份超市如調景嶺百佳，發現樽裝麒麟啤已被掃光，只剩罐裝。
民建聯立法會議員葛珮帆昨也暗寸本身是基督徒的葉劉企錯位阻礙舞麒麟，「君子不立危牆之下嘛，嗰個位置係不適宜企㗎」。
另外，車公廟的求籤儀式主辦單位沙田鄉事委員會消息人士向《蘋果》透露，他們沒有正式邀請葉劉出席活動；葉太回應確曾收過請帖，但回想後，估計請帖是由公民力量發出，同日於車公廟辦的另一活動。
網民點睇
Can We
支持麒麟嚴正執法。麒麟清場，有足夠法律依據，亦有大量民意支持。葉太佔領通道係香港市民不可容忍嘅非法行為，麒麟只係使用最低武力驅趕葉太。
Kenneth Ng
迷信嘅都會知道瑞獸行過嘅都係吉祥之路。點會跟麒麟爭路箒，真係左共大晒咩，連麒麟都要讓開咩！
Martha Liu
政壇不倒翁，越撞越興旺。
節錄自蘋果日報facebook留言