新春喜羊羊，《亂噏》假期照常！
拍過《喜愛夜蒲》嘅王宗堯，實情係咪咁識蒲呢？「曾經啦！因為如果冇呢啲經歷，又要特登去拍呢啲戲，會好怪㗎，好似唔識食煙又要去拍食煙咁！」
Tanya一聽到男神係夜蒲友，即刻同宗堯講吓夜蒲經︰「我嗰個年代仲有disco，喺裡面係唔駛講「唔該借借」嘅，大家連行路都會互相避開，有種咁嘅文化個喎！」點知男神想更正一下Tanya︰「o依家唔係喇！𠵱家有好多係用手肘，係想乘機抽水嗰啲！」嘩！男神果然係喜愛夜蒲呀吓！咁都知？
轉數快嘅徐緣又忍唔住要寸寸Tanya喇︰「如果你覺得好dry嘅，咪落去同人撞吓囉！」又搞到人面紅喇！