好多人都話男人越老就越有型，好似陳冠希(Edison)呢類男人，後生時已經不得了，老咗斷估仲會多咗男人味。但點知近年佢疲態畢露，影親近照都被好多人話殘咗好多好多。
昨日希哥喺instagram貼咗張大頭近照，雖然靚仔嘅輪廓仲喺度，但相中嘅佢…無論神情同精神狀態都好叔伯feel，難怪高登瓊姐喺自己fb發表意見：「歲月不饒人，想當年佢既(嘅)靚相陪住大家成長，一代男神陳冠希貼左(咗)張近照上instagram，嘩！幾摺眼袋，龜裂眼紋，又成面墨屎。人地(哋)話男人越老越型，呢句說話應該apply唔到落佢身上。」真係踩到希哥盡呀！