德祥地產太子爺張宇成（Jonathan），人稱JC，大學畢業後於公關界大展拳腳，JC的標致是一頭gel得燙貼的髮型、還留有baby face的臉蛋，穿上Gucci筆挺西裝受訪，大談創業之路。只得二十六歲的JC沒有玩世不恭的態度，卻予人一種風度翩翩的穩重，曾經與Loewe、Fendi、Dolce & Gabbana及LV等大品牌合作，JC將自己的事業比喻為生蛋，「我全心全意喺工作上，想做到佢會自己生蛋為止。」
撰文：羅慧敏
德祥地產主席張漢傑之子張宇成（JC），是活躍社交圈的富二代，在他身邊出現的總是何超盈、曾昭怡、邢嘉倩與陳柏熹等死黨，在圈內活躍，原來也與他的性格及工作有關，JC去年於香港創立公關公司Buzz Concepts Group，希望在公關界做出成績，他說：「我不嬲都鍾意同品牌合作，可能係同我讀Design & Management有關，我十七歲返香港喺天機做過暑期工，好鍾意成個設計行業，覺得最特別係見到一個品牌嘅轉變。令我印象最深係我第一個project，係幫Loewe做展覽，當時知道隔幾個月就會轉新嘅設計師，我就做到一個好似回顧展咁，嚟緊四月設計師將會嚟香港，我會負責，見證到品牌嘅轉變過程，好期待、好有滿足感！」
JC於美國帕森設計學院畢業，跟世界著名設計師Tom Ford、Marc Jacobs與Alexander Wang等同為校友，回想起最初為了完成自己的夢想，JC費盡唇舌苦求父親，他說：「因為爸爸覺得設計呢行好狹窄，我求咗好耐先畀我讀呢科，𠵱家做到同設計有關嘅嘢，每次我都會喺細節上面花心思，盡量貼切返品牌嘅DNA，其實唔止fashion，我都對lifestyle好有興趣，就算連地產都可以做，可以用另類嘅方式去宣傳，希望我爸爸畀機會我喺佢嘅樓盤上試吓。」
遊世界減壓
每次被稱太子爺，JC總顯得尷尬：「唔好咁講啦！」當提到家人，他又顯得避忌，無非是希望靠自己的能力與專長做事，不靠家人，但每逢遇到生意上的問題，他總會問父親意見，遇到困難他都樂觀面對，更會趁假期旅遊放鬆一下，他說：「我好鍾意旅行，就算放兩日假我都會去日本玩吓，新年我同屋企人拜完年，就同幾個朋友去不丹玩。」放兩天假也走一轉日本，真正的太子爺吧！
【地產商之子 嘆樓價貴】
德祥地產現時市值三十一億，父親建立了一個地產王國，JC卻暫時未有替父親接棒的打算，他說：「我會返去幫爸爸，但𠵱家我仲想闖吓，做好自己嘅公司，等公司可以自己生蛋先。」其實JC於美國帕森設計學院畢業後，曾到英國UCL修讀一年的地產課程，為未來作好打算。有個當地產發展商的父親，但JC卻從來未擁有物業，他說：「𠵱家啲樓好貴呀！我都想買，希望公司生到金蛋就可以靠自己能力去買。」
