港視藝人黃美棋、何詠雯、麥子樂、呂熙和胡烱龍，日前齊齊往農場拜訪羊氏一家兩口，大家急不及待餵羊求新年好運，不過美棋卻被太熱情的羊女咬大髀，令大家笑聲四起。談到羊年願望，美棋說：「新年願望當然想拍番劇啦，亦都希望今年可以拍多啲電影同廣告，舊年有機會試好多嘢，今年想吸多啲金！」麥子樂亦說：「希望今年繼續有機會參與多啲電影製作，等大家更加認識我啦！」
而有份主持《Shopping Hero》的何詠雯說：「好開心節目反應都幾好，其實有港視對全港都係好事，希望公司繼續拍劇，收視爆紅啦！」另一主持呂熙則說：「其實公司都好耐冇劇拍，希望今年公司營運好啲，開番啲劇畀我哋拍就好喇。」胡烱龍則希望亞視早日解決問題，令電視行業可以更蓬勃。
採訪：藍文浩
場地：園藝農場