吳奇隆上月跟拍拖一年多的劉詩詩領證結婚，惟婚後立即投入工作。據知今年底才有時間補擺婚宴，不過年三十晚（十八日）他率領劇組食團年飯，素顏便服的劉詩詩亦以老闆娘身份現身，而且全程陪伴在吳奇隆左右，又向所有人派大利是，似足預演婚宴，另一對越愛越癡纏的賈曉晨及樊少皇亦在場。
Paco飛橫店探JM
團年飯當晚，文詠珊（JM）更抽到現金獎，她將獎金發還讓大家再抽，她說：「新正頭攞咗個lucky已經開心，我今年都準備咗六位數字用嚟派利是，希望新一年大家開開心心。」JM表示，多年來都在香港陪家人過年，今次要工作沒有辦法，大年初一已經致電父母拜年，她又說：「最開心係Paco（黃柏高）專程飛嚟橫店探班，好感動！Paco話佢有十年冇去過橫店，知道我第一次喺內地留咁耐，特登嚟同我打氣，仲提早派利是畀我㖭！」
JM自去年轉投太陽娛樂及自組公司後，頻頻返國內賺人民幣，上月完成劇集《畢業歌》拍攝後，本月初已投入吳奇隆投資超過一億的新劇《蜀山劍俠傳》拍攝工作，與現在於國內爆紅的老友陳偉霆飾演師兄妹，發展感情線。
撰文：小米
